Tinatayang 575 kilo na shabu na may halagang P4-B ang nakumpiska sa isang suspek na Chinese national
BAGUIO CITY – (March 29, 2023) Mahigit kumulang na 575 kilo ng shabu na nagkakahalaga ng halos apat (4) bilyong piso ang nakumpiska sa isang suspek Chinese National kasunod ng pagpapatupad ng search warrant sa Purok 4, Brgy. Irisan, Baguio City noong umaga ng Miyerkules March 29, 2023.
Ayon sa mga ulat na nakarating sa PROCOR Regional Director, PBGEN DAVID K PEREDO, JR. ang suspek ay kinilalang si Ming Hui a.k.a. “Tan”, isang 51-anyos na Chinese National na naninirahan sa Baguio City.
Ibinunyag sa parehong ulat na ang magkasanib na anti-illegal drug operatives ng Police Regional Office Cordillera (PROCOR); National Capital Region Police Office (NCRPO); Ang PNP Drug Enforcement Group (PDEG), Philippine Drug Enforcement Agency, at National Bureau of Investigation ay nagpatupad ng search warrant na inisyu ni Hon. Rufus Gayo Malecdan, Jr., ang Executive Judge ng Regional Trial Court ng Baguio City na may petsang Marso 28, 2023.
Arestado ang suspek matapos na matagpuan at makumpiska ng mga operatiba ang humigit-kumulang 575 kg ng Shabu na nagkakahalaga ng halos 4 bilyong piso sa kanyang inuupahang bahay sa Brgy. Irisan, Baguio City.
Ang pagmamarka at Imbentaryo ng mga nakuhang ebidensya ay isinagawa on-site sa presensya ng naarestong suspek at sinaksihan ni Punong Barangay Arthur Carlos ng Irisan; Prosecutor Philip Ceasar R. Castle, DOJ Representative; at G. Darius Bajo ng GMA7, kinatawan ng media.
Personal na nasaksihan ang isinasagawang imbentaryo ng mga nasamsam na ebidensya, nina Secretary Benjamin Abalos Jr. ng Department of Interior and Local Government (DILG) kasama sina The Deputy PNP Chief for Operations (TDCO), PMGEN JONNEL ESTOMO; Regional Director ng NCRPO, PMGEN EDGAR OKUBO; Sinabi ni Hon. Mayor Benjamin Magalong ng Baguio City; PDEA Director General Moro Virgilio Lazo; Ang Deputy Regional Director for Operations (DRDO) ng NCRPO PBGEN JACK L WANKY; District Director ng Northern Police District, PBGEN PONCE ROGELIO PEÑONES, JR.; PROCOR Regional Director, PBGEN DAVID K PEREDO, JR at BCPO City Director PCOL FRANCISCO BULWAYAN JR. ang nagtungo sa nasabing lugar ng insidente.
Sa pahayag ni DILG Secretary Abalos, “Narito tayo sa bahay na ito nagkaroon ng pagsagawa ng operasyon pinagsamang lakas ng PNP,PDEA sa pangnunguna ni Gen. Lazo at nais ko rin pasalamatan si Gen. Estomo, Gen. Okubo, Gen. Peñones, Gen. Peredo, Gen. Wanky at si Mayor Benjie Magalong so, kung makikita niyo sama sama tayo, ito ay more or less 575 kilos ang halaga ng mga nakuhang illegal na droga ay higit kumulang P4 bilyon magtataka kayo bakit narito ang kapulisyahan ng National Capital Region because this is a continuing operation kaya ang approach dito ay whole of the nation, whole-of-government hindi lang gagalaw ang PDEA, hindi gagalaw ang kapulisya at NBI kundi sanib puwersa na ito at ang maganda ay kasama na ang Cordillera police, nakipag coordinate kami sa Cordillera Police sa pamumuno ng General David Peredo Jr. at ito ay simula lamang marami pa itong pupuntahan namin mga bagay, pero sa mga taga Cordillera huwag kayo mabigla dahil ito ay naka imbak dito hindi naman ito for distribution only for Cordillera for Baguio, hindi ganito, ito ay idi distribute malamang sa iba ibang lugar ito so, ang nangyayari dito ay apektado ang buong bansa dito, kung kaya yun ang talagang pokus ng pamahalaan under sa ating mahal na presidente Ferdinand Bongbong Marcos Jr., this is the war on drugs at ngayon ang gagawin namin sa digmaan laban sa droga ay sanib pwersa ang lahat, importante ang intelligence work ,hindi namin magagawa ito kung hindi namin katulong ang taong bayan, at ang nahuli ngayon ay isang chinese national at may imbestigasyon pang ginagawa,”
“This time I really would like to commend this people because this is the war on drugs magkano ang halaga nito apat na bilyon maski sino bigyan ka ng 100 milyon para tumahimik ka yun iba diyan pipikit na lang pero itong mga taong ito hindi mo maaring bilhin mga ito at hindi lang sila madadala rito sa pera, may dibdib mga ito at higit sa lahat good operational police work investigative yun ang mga kalidad ng mga taong ito kaya, I really salute all of them, alam niyo ang binubuwis nila dito buhay nila, hindi biro ito, mga salbahe itong mga sindikatong ito mahabang operasyon ito at pinagpaguran ng lahat at wina warningan namin ang lahat huwag na kayo magtulak ng droga dahil talagang intensify war on drugs ito ,” ani Abalos
Labis naman ang pasasalamat ni Mayor Magalong kay DILG Secretary Abalos at sa PNP, PDEA sa maigting guidelines laban sa droga ay naging matagumpay ang kanilang operasyon sa pamamagitan ng kanilang koordinasyon at collaboration ng pinagsanib puwersa ng awtoridad,”
Nasa kustodiya na ngayon ng BCPO Irisan Police Station (PS9) ang suspek para sa dokumentasyon habang sasampahan ng kasong paglabag sa R.A. 9165 o Comprehensive Dangerous Drug Act of 2002 ang inihahanda laban sa kanya. # Photos by: Mario Oclaman // FNS
