Ilang pulis tumulong sa pagtanim ng palay

(PULIS @ UR SERBIS) Sa Abra, isang munting kahilingan ng isang mag-sasaka ang napagbigyan ng mga kapulisan mula sa 2nd Abra Provincial Mobile Force Company (PMFC) at Pilar MPS.

Ayon sa Pilar MPS, dahil sa mga umano’y napapabalita na mga pagtulong na isinasagawa ng mga kapulisan sa PROCOR ay hindi na nag-atubiling lumapit ang isang magsasaka sa mga kapulisan upang humingi ng tulong na matamnan ang kanyang palayan.

At alang-alang naman sa kultura at diwa ng binnadang o bayanihan ay walang pag-aalinlangan na tumugon ang ating mga kapulisan mula sa nasabing mga yunit.

At matapos nga ang ilang oras na pagtatanim sa ilalim ng tirik na araw ay mabilis nilang natapos ang kanilang trabaho, dahilan ito upang makatipid ng oras at gastos ang nasabing magsasaka.

Malaking tulong lalo na ngayong panahon ng pandemya. (PROCOR-PIO)